【抗痘心路歷程】 由爛面零自信到皮膚靚返敢素顏過程大公開!
幾時開始爛面?
Covid期間日日戴口罩,覺得皮膚差咗但唔太在意~
因為覺得戴口罩皮膚差咗係理所當然!當我意識到有問題嘅時候已經太遲!
有諗過係咪口罩質料敏感,換咗幾款都無用!
我開始慌!!由細到大都無試過生咁多痘痘,全面大爆發!我完全唔知點算失哂方寸~
開始上網search解決方法、問朋友~用咗年半先真正解決到…..
篇文好長~但請聽我娓娓道來!唔想你地同我一樣行咁多冤枉路🥺
Stage 1 抗痘心路歷程 - 大爛面時期
呢個係開始發現問題嘅時候嘅我~嗰陣真係好無自信!
如果睇緊篇文嘅你正經歷呢個階段,我想講我好明白你感受架!!
我當時都好唔開心 好無助~ 基本上係上網睇到咩就信咩!
日日唔係戴口罩就係化好厚粉!嗰陣嘅心態係要收埋唔好比人見到..
我明架!!!我真係明!!但我血淚經驗話我知,咁係大錯特錯!!!!!
要坦然面對係好難~但你必須捱過呢個階段先可以變返靚💗💗
小tips:
明白有痘痘會好想遮住佢~好多人會選擇口罩或厚粉冚住
但咁樣真係會對皮膚唔好!情況真係會越來差(〒︿〒)
如果真係好無自信可以搽少少綠色防曬~阻隔到紫外線又可以遮小小紅!
Stage 2 抗痘心路歷程 - 亂用護膚品
只要係網上有人提過可以改善膚質嘅skiencare我都有買過!
後來先發現塊面咁嘅情況更唔應該亂用skinecare
仲有比咗”養份”啲暗瘡生得更猖狂!
茶樹油、暗瘡膏呢啲就更加唔洗講~
間唔中生2 3粒係有用,對咁大範圍嘅暗瘡係0作用…..
亂買亂用skincare係極度浪費錢嘅行為!希望大家唔好學我🥺🥺
Stage 3 抗痘心路歷程 - 開始用酸
唔知大家有無發現或者身邊有無人係咁,只要提起抗痘就會提起食口服A酸.
好似係最好嘅辦法咁~
不過又咁講!其實我食A酸嗰排皮膚真係好咗好好多.
但!!!除咗貴 佢啲副作用都真係唔講得笑~
第一樣 – 乾🥲🥲
全身上下都會好乾~好乾~好乾~
皮膚乾、嘴唇乾到裂哂、頭皮乾、眼乾
第二樣 – 情緒起伏大
我覺得本身皮膚狀況都真係有啲影響情緒!
不過食咗藥之後有更誇張~🥲
之後開始頂唔順啲副作用(同真係幾貴)就停咗藥
跟住就睇Dcard啲人話”刷酸”(即係用酸性產品)
我又上網買咗一set嚟試
唔知係度數太高定係我唔識用🥺
最後搞到甩哂皮!!嚇到我即刻停哂
🪄轉捩點 - 改變生活習慣
戒口、勤清潔呢啲野我就唔多講喇!大家都應該知道~
改善膚質生活習慣 - 飲水
見字飲水!!見字飲水!!見字飲水!!
真係唔可以睇少飲水~ 由細到大都會聽到人講要飲多啲水!
唔舒服? 飲水! 減肥? 飲水! 想皮膚好? 飲水!
人體有70%都係水份,飲多啲水對身體無壞!
加快新陳代謝=縮短皮膚更新週期🔁
我當時係逼自己一日最少飲2L水💧
每日po story好有用~除咗督促自己之外朋友仔都會提你~
有時唔記得po 都會有人inbox問今日有無飲到hahah可以盡量令件事變得有趣啲💖
當你慢慢養成個習慣 飲水就會變成肌肉記憶好似呼吸咁自然~
改善膚質生活習慣 - 戒糖
喺我成面大爆痘之前,我係奶茶不離手嘅人~
做多啲research就發現過量嘅糖分會喺體內引發糖化反應
唔止係令身體提早衰老 就連皮膚都會跟住老化同發炎!!
我都明白徹底戒糖好難.同減肥一樣 逼自己唔食野就會暴食
我自己做法係一個月比1-2日cheat day自己
平時就盡量食原型食物~除咗皮膚變好仲會瘦!!
改善膚質生活習慣 - 洗面方式
轉用溫和嘅洗面奶 呢個時期唔需要強嘅清潔力(可能會有反效果)
朝早用清水洗面.洗走瞓覺時產生嘅油脂就夠~
唔用毛巾抹面，轉用洗面巾/紙巾印乾佢就得啦!
改善膚質生活習慣 - 勤換枕頭套
盡量唔好比皮膚接觸太多細菌🦠
改善膚質生活習慣 - 極簡護膚
情況越差其實係越應該精簡護膚程序
盡量比皮膚唞下氣~💗
改善膚質生活習慣 - 做faceial
其實呢個對其他人嚟講唔算係改變生活習慣
但因為我以前係恃住自己皮膚唔錯 所以無咩點做facial的~
我都唔係試第一個facial就好架~一開始係做下啲針清簡單facial先
但針清真係好痛!!!同埋啲情況都好反覆~做完一兩日好好!
轉個頭啲暗瘡又生返哂出嚟☹️☹️又頹咗一排~
之後係有個朋友同我講佢試過一個treatment叫粒粒說GO都唔錯~
咁我都試咗咁多次野啦~唔爭在試多次!
第1次粒粒說GO後
會見到啲暗瘡密度開始無咁高~
我覺得啲粒粒大概無咗10%左右!!同啲紅都無咁明顯!
第一個step有啲得意會有陣好特別嘅味
治療師姐姐就話呢個step係幫我殺死皮膚表面嘅細菌
等佢唔好反覆爆~原來斷唔到尾嘅原因就係表面細菌太多 皮膚會被感染🥲
我好滿意個效果~所以都有決定繼續去!!
第4次粒粒說GO後
已經清走咗大概30-50%粒粒!!
無咩喺同一個區反覆生嘅情況,塊面都平滑咗好多~
除咗暗瘡,暗粒粉刺都生少咗好多!
第4次粒粒說GO後
啲粒粒無咗50-70%!!!
比上次做完treatment情況再好咗好多!!
不過當然啦~唔係淨係靠treatment 我都有keep改善生活習慣
本身抗痘就係一條慢慢長路~都唔可幻想有一日瞓醒就突然間變靚
但持之以恆就一定會有好結果!會睇到呢度嘅人都一定好想解決暗瘡問題
加油~一切會好的!!
第6次粒粒說GO後
依家面上嘅粒粒已經無咗9成!~
雖然間唔中都會出一兩粒,但同之前比真係好太多~
有咁樣嘅效果已經好滿足!!💗💗
總之記住!!
抗痘唔會係一朝一夕嘅事~應該係話真係唔急得!
雖然我講到粒粒說GO好好,
但我覺得唔配合改善生活習慣都未必咁快就好到🥺💗💗
一齊變得精緻又清透吧～💖✨
真實客人分享
粒粒說Go：
集功能性同治療性一身既療程
粒粒說Go：
集功能性同治療性一身既療程
- 擊退暗粒暗瘡粉刺
- 舒緩炎症、鎮靜肌膚、改善敏感肌膚
- 解決毛囊堵塞問題
- 撫平細紋、收細毛孔
- 修復細胞受損肌膚
- 即時令細胞產生大量保濕因子
- 皮膚即時飽滿有彈性
- 殺死引起痤瘡濕疹等的細菌
網付價 $280
